Infrastructura dalla vischnaunca

EDIFECI DA MISTREGN PARDANAL

Vies liug da lavur niev, a Laax, la vischnaunca cun taglias bassas

El niev edifeci da mistregn a Pardanal lai la vischnaunca da Laax vi divers locals da biro, commerci e magasin.

Sillas treis alzadas sura dispona il baghetg da pli che 1650 m2 per biros, mistregn e survetschs. Las surfatschas libras porschan pusseivladads flexiblas da reparter per divers dievers, sco p. ex. biro, showroom/presentaziuns, producziun ni magasin. Las localitads vegnan affittadas ella construcziun groppa, aschia san ils locaturs integrar lur giavischs duront la construcziun fina. Ellas alzadas sut san ins prender a tscheins locals da tschalèr e magasin sco era 12 parcadis ella halla ed ulteriurs ora el liber.
Gl’object ei situaus en in liug bein accessibel ella zona d’industria Pardanal ella vischnaunca da Laax, cun access optimal al stradun dil Alpsu H19. A cuorta distanza ei era la fermada dils bus ed autos da posta.

En casa ha ei in ascensur per persunas ed in per rauba, lu ils implonts sanitars sco era in local communabel da pausa cun sempla cumbinaziun per cuschinar.

Termin da retratga: atun 2021

Havein nus svegliau Vies interess? Lu havein nus plascher da Vies contact. Ina documentaziun detagliada per afittaders saveis Vus empustar tier gl’Uffeci da baghegiar Laax ni via download proxim link …

Ulteriurs sclariments dat bugen Marcel Albin, Uffeci da baghegiar, Via Principala 60d, CH-7031 Laax, tel. +41 81 921 51 53 ni bauamt@laax-gr.ch.


Coronavirus: Suandantas mesiras èn da resguardar per la infrastructura dalla vischnaunca

Bundesamt für Gesundheit BAG

TEGIA D’UAUL SALUMS SURA

La tegia d’uaul Salums Sura ei in liug special da s’entupar, adattaus per rodund 60 persunas. La vischnaunca dat a tuts la pusseivladad da fittar quella. La tegia cuntegn ina pintga cuschina e cundrezs sanitars.
salums-sura.ch


TEGIA ALP PLAUN

Silla planira dall‘Alp Plaun, situada sin 1’600 m.s. m. agl ur digl uaul, ei la tegia da vacanzas Alp Plaun. Ella dat alloschi a maximalmein 14 persunas. Scaldau vegn cun scaldaments a radis infracotschens, cuschinau sin ina platta da fiug. Durmiu vegn en duas combras cun letgs da cajüta. Electrizitad, colligiaziun d’aua ed ina plazza da grillar ein avon maun.
tegia-alp-plaun.ch


TEGIA ALP UAUL

La tegia da vacanzas Alp Uaul ei situada el sidost dil Crap Sogn Gion sin 1515 m.s.m.. La tegia porscha plaz a maximalmein 4 persunas. Ella secumpona d’in local da cuschinar e stiva, zulèr, combra da durmir ed ina tualetta.
tegia-alp-uaul.ch


LOCALITADS EN CASA DA SCOLA

Fagei diever dalla aula, cuschina, halla da gimnastica, scoletta ed autras localitads dalla scola.
Affitar la halla da gimnastica: vegn publicau la primavera el fegl ufficial.
Affitar la scoletta ed autras stanzas da scola:
s’annunziar a scret tier la suprastonza communala (Vischnaunca Laax, Suprastonza communala, Caum postal 16, 7031 Laax GR1)

Pervia da lavurs da sanaziuns resta l’aula serrada naven dils 26.06.2021 entochen fin october 2021

Affitar l’aula / aula e cuschina


STANZA DA SEDUTA CASA DE MONT

ProLaax.ch


STIVETTA CASA DE MONT

ProLaax.ch


SALA E STANZA DA SEDUTA SENTUPADA

ProLaax.ch


ARCUN DA TRADIZIUN (PER GRUPPAS)

Entrei en la veta d’antruras. Per exempel cun ina viseta guidada incl. aperitiv e degustaziun da specialitads localas.
ProLaax.ch


GARNITURAS DA FIASTA

1 garnitura: CHF 10.- senza transport

Paul Toggenburg, capoluvrer vischnaunca Laax
Telefon +41 79 241 19 53

Empustar bauns/meisas/garnituras da fiasta


TENDAS

6 x 6 m CHF 100.- senza transport
3 x 6 m CHF 50.- senza transport

Linus Capaul, CI Fiasta d’affons
Mobile +41 79 611 11 04


VISCHALA

ProLaax.ch