Informaziuns vischnaunca
Publicaziun da plazza – allianza da taglia
28.09.2026
Resultats dalla votaziun federala dils 27 da settember 2027
22.09.2026
Acziun da bandieras per la populaziun
Mussar bandiera – per Vossa vischnaunca, Vies cantun e Vossa tiara!
La vischnaunca da Laax lantschescha in’acziun da bandieras per la populaziun. Seigi quei vid il balcun, vid la fatschada ni en curtgin – cun in’atgna bandiera tschenteis Vus in segn veseivel d’attaschadadad a nossa vischnaunca, al cantun Grischun ed alla Svizra. Gest ils firaus, sco igl 1. d’uost ni tier occasiuns specialas procuran bandieras alzadas per in maletg festiv e communabel dil vitg.
Interessent:as habitonts:as san empustar naven d’immediat bandieras per cundiziuns favoreivlas. Per elecziun stattan construcziuns cusidas e stampadas sco era duas variantas dalla fixaziun. La cumbinaziun giavischada sa vegnir indicada sil talun d’empustaziun sin la pagina d’internet dalla vischnaunca.
Empustaziuns entochen:
fin october 2026, cun suandont talun d’empustaziun
https://forms.cloud.microsoft/e/fDrHZ0KwP6?embed=true
ni per telefon tier l’administraziun communala 081 921 51 51
Suenter la scadenza dall’acziun d’empustaziun vegnan entochen
dacheu neginas empustaziuns pli acceptadas.
Retratga:
naven dil december 2026
Purschida e prezis
Tenor gliesta aschuntada.
Pindel seniester: Per pétga dalla bandiera, cun carabina
Onza sura: per pender vid balcun etc.
17.09.2026
Info: Canalisaziun Via Mutta entochen Lag Grond
Ella jamna dils 21 da settember 2026 entscheivan las lavurs per l’engrondaziun dil canal da canalisaziun per descargar la canalisaziun communala, naven dalla Via Mutta en direcziun Lag Grond.
Igl access al plazzal succeda naven dalla Via Mutta. Duront las lavurs da construcziun vegn igl access a pei sco era il passadi da principi garantius.
Nus engraziein per Vossa capientscha e per Vies risguard.
10.09.2026
Aboliziun dil scamond absolut da far fiug enteifer il territori da habitar
Muort la meglieraziun dall’aura vegn il scamond da far fiug per il territori da habitar abolius naven da venderdis, ils 11-09-2026.
Ordeifer il territori da habitar, resta il scamond da far fiug cantunal vinavon en vigur. Davart in’aboliziun dil scamond da far fiug cantunal decida igl uffeci d’uaul e prighels dalla natira dil Grischun. Decisiva per la situaziun cantunala ei la carta da prighel d’incendis d’uaul actuala dil cantun.
Fueinas dalla vischnaunca Laax:
– Las fueinas ufficialas ordeifer il territori habitau restan serradas.
– La fueina ufficiala al lag Grond vegn aviarta.
Las autoritads communalas engrazian alla populaziun ed als hosps per lur capientscha sco era per l’observaziun consequenta dallas prescripziuns vertentas.
Direcziun vischnaunca Laax
04.09.2026
Obligaziun d’annunzia per locaturs ella vischnaunca da Laax
Las administraziuns d’immobiglias, locaturs sco era autras persunas che dattan alloschi ein obligai d’annunziar alla vischnaunca da Laax tut las persunas che habiteschan en locaziun enteifer 14 dis.
Medemamein ston partenzas ed midadas da habitaziuns vegnir annunziads. Quei vala era per midadas enteifer la medema immobiglia. Nus supplichein Vus d’observar quellas prescripziuns e da far las annunzias corrispundentas enteifer il termin prescret.
Grazia fetg per Vossa attenziun e Vossa collaboraziun.
19.06.2026
Rapport da gestiun Flem Laax Falera Management SA 2025/26
Link tier la pagina da web: fatschentas – Flem Laax Falera Management SA
19.06.2026
Tractament e cumbat encunter neofitas
La vischnaunca da Laax fa attens che sin possess privat sederasan adina pli savens neofitas – plontas invasivas che vegnan ord auters loghens. Quellas plontas e fluras fan donn alla vegetaziun indigena, damai che quellas semultiplicheschan fetg spert sin grondas surfatschas e mettan aschia en prighel la biodiversitad.
Unlteriuras informaziuns tier neofitas invasivas:
Info Flora
Amt für Natur und Umwelt Graubünden
Neophyten Schweiz | Invasive Neophyten: Verbotene Pflanzen
Invasive Neophyten
Nus supplichein d’intercurrir Vies terren regularmein sin neofitas e da dismetter las plontinas tenor directivas. Cun Vies agid activ gideis vus da proteger nossa natira indigena.
Engraziel fetg pil sustegn.