Temps liber & turissem

BOGN CUVRETG GRAVA & LAG GROND

Il bogn cuvretg da Laax porscha sport, divertiment e giugs da tuttas stagiuns: Sut in tetg anfl’ins premissas perfetgas pil divertiment ell’aua, cull’entira famiglia, per senudar, far wellness ni pil trenament da fitness.
Seigi da stad ni d’unviern: il Lag Grond da Laax carmala cun ina purschida attractiva pil temps liber ella e sper l’aua.
Aua Grava – Wellness, Bad, Fitness

Museum Laax – attenziun tradiziun

Il museum local da Laax, endrizzaus ell’anteriura sennaria dil vitg, ei vegnius aviarts 1980. El presenta implonts e mobigliar d’ina famiglia purila avon 150 onns, objects ed isaglia dil puresser, mistergners e sport d’antruras mo era dil temps modern. El museum san ils visitaders plinavon mirar duas visiuns da dias cul tetel «Laax ier ed oz» e «impressiuns ord l’Arena dallas Alps. La Fundaziun Pro Laax ei proprietaria dil museum.
ProLaax.ch

BIBLIOTECA

La Biblioteca Laax porscha la pusseivladad d’empristar cudischs, discs cumpacts e videos per indigens e hosps da vacanzas. Ella sesanfla ella Casa de Mont che datescha digl onn 1650.
Biblioteca Laax

TURISSEM DA STAD

Flem e contuorn ei ina obligaziun per amitgs dalla natira e geologs da hobi. Nua schiglioc anfleis Vus sensaziuns sco las auas sils Plauns dil Segnes, las surfatschas neidias da caltschina – las surfatschas nua ch’ins vesa il scarp dalla Bova da Flem – ni ils mulins dil glatscher sill’Alp Mora.
turistica dalla stad Flims.com

TURISSEM D‘UNVIERN

Gudi vacanzas ch’ein sco fatgas per Vus. Cun vastas pusseivladads che han qualificau Laax sco in dils megliers resorts d’unviern dall’Europa.
turistica digl unviern Laax.com

VIANDAR & VIANDAR D‘UNVIERN

BAW Bündner Wanderwege
turas a Flem-Laax-Falera
uffeci cantunal pil traffic plaun