Novas da Laax
Cun questa ediziun lantschein nus il niev format da publicaziuns Novas da Laax. Mintgamai alla fin dil eins rapportein ed informein nus da fatgs interessants, attractivs, impurtonts e meins impurtonts ord casa communala e dallas uniuns. Cun quei fegliet meinsil vulein nus tener sil current la populaziun e communicar daquei che marscha davon e davos las culissas. Las Novas da Laax remplazzan buca las communicaziuns ufficialas ni autras. Quei mied duei plitost porscher ina plivalur informativa e divertenta per habitonts indigens e secundars sco era per nos hosps.
La ediziun dalla Ruinaulta culla publicaziun Novas da Laax vegn tarmess en mintga casada a Laax e sto buca vegnida abonnada extra.