Informaziuns uffeci da baghegiar
2
Apr 26
Annunzia da sligiar fossas
Il ruaus da fossa ei curius giu per ils morts ch’ein vegni satrai egl onn 2006 sil santeri Laax. Nus supplichein ils vegnentsuenter d’allontanar cumplettamein monuments e cruschs sco era fluras tochen ils 30 da settember 2026. Las persunas cumpetentas ein vegnidas informadas persunalmein.
Grazia fetg per Vossa enconuschientscha.
2
Apr 26
Zona da ruaus Gonda
En coordinaziun cugl uffeci da catscha e pesca sa la zona da ruaus per la selvaschina «Gonda» vegnir abolida muort la vegetaziun avanzada gia sigl 1. d’avrel 2026.
Grazia fetg per Vossa enconuschientscha.
2
Apr 26
Deponia da verdems Pardanal
L’entschatta da menaschi dalla deponia da verdems Pardanal ei previda sin venderdis, ils 17 d’avrel 2026. Naven da quei datum valan ils suandonts temps d’avertura:
- Mesjamna, 13.00 – 17.00
- Venderdis, 14.00 – 18.00
- Sonda, 09.00 – 12.00
Giustificai da cumpostar sin quei areal ein: casadas incl. casas da vacanzas, hotels, pensiuns, restaurants, horticulturas, hortulans da cuntrada etc, aschilunsch ch’il cumpost deriva ord menaschis ni horticulturas ord la vischnaunca da Laax.
Tenor la decisiun dalla suprastonza communala astga mintga immobilia furnir in diember maximal
da 5m3 per sesiun (primavera ed atun). Duess il diember muntar exepziunalmein a pli che 5m3, vegn
pretendiu ina taxa da frs. 20.- per m3.
27
Mar 26
Sanaziun dalla Via Principala – conducts d’ovra, etappa 2/2026
Ils 07 d’avrel 2026 entscheivan las lavurs da construcziun vid ils conducts d’ovra sco er la construcziun dil conduct da calira sin distanza ella Via Curtgin la Streia e cuozan probablamein entochen fin matg 2026.
Pertuccau ei il tschancun denter il spartavias Via Principala ed il parcadi «Curtgin la Streia». La part da construcziun ei carrabla sin in vial, ins sto denton quintar cun impediments.
Nus engraziein per risguard e capientscha.
27
Mar 26
Sanaziun dalla Via Principala – conducts d’ovra, etappa 1/2026
La proxima etappa dalla sanaziun dils conducts d’ovra ella via Principala entscheivan ils 07 d’avrel 2026 e cuozan probabel tochen fin matg 2026.
Il tschancun pertuccau tonscha naven dalla Via Principala 56 (Volg) e 63 (GKB).
Duront quei temps ei la Via Principala serrada per il traffic da transit (vehichels e velos). Igl access allas immobiglias al plazzal resta pusseivel, e la furniziun a las fatschentas succeda mo sur Demvitg. Per pedunzas e pedunzs ei gl’access sur il plazzal garantius da tut temps. Bloccadas e sviaments vegnan signalisai.
Nus engraziein per risguard e capientscha.
27
Mar 26
Sanaziun Via Lieptgas – lavurs da construcziun
Las lavurs da construcziun per la sanaziun dalla Via Lieptgas entscheivan ils 07 d’avrel 2026 e cuozzan probabel entochen fin matg.
Il tschancun pertuccau tonscha naven dalla Via Lieptgas 10 entochen Via Lieptgas 18. Duront quei temps vegn la Via Lieptgas serrada en etappas per tut il traffic.
In sviament sur la Via Mulin vegn signalisaus.
Nus engraziein per risguard e capientscha.
27
Mar 26
Sanaziun dalla Via Murschetg etappa 1/2026
Las lavurs da sanaziun dalla Via Murschetg entscheivan ils 07 d’avrel 2026 e cuozzan probabel tochen fin zercladur 2026. Il tschancun pertuccau tonscha naven dalla Casa Mulania tochen tier il Hotel Riders. Sil tschancun vegn il traffic menaus sin in vial cun ampla. Ins sto denton quintar cun impediments. Bloccadas e sviaments vegnan signalisai.
Nus engraziein per risguard e capientscha.
27
Mar 26
Publicaziun decisiun d’approbaziun revisiun parziala planisaziun locala – Nagens
La regenza dil cantun Grischun ha approbau ils 10 da mars 2026 senza resalvas cun decisiun nr.182/2026, sut diever dad artechel 49 dalla Lescha davart la planisaziun dal territori per il chantun Grischun (LPTGR), la revisiun parziala dalla planisaziun locala, lubida a caschun dalla radunonza communala dils 24 d’october 2025.
Ils mieds da planisaziun approbai ed il conclus dalla regenza ein deponi naven da venderdis, ils 27 da mars 2026 egl uffeci da baghegiar Laax. Ei sa vegnir priu investa dils acts enteifer las uras d’avertura da spurtegl ordinarias.
La suprastonza communala
20
Mar 26
Procedura da contribuziun pert. sanaziun dalla via d’avertura Via Tesli (Access parc. 2966)
Sin fundament dil plan d’investiziuns da 5 onns, presentaus ils 10 da december 2025 alla radunonza communala, vul la suprastonza communala sanar las suandontas vias resp. tschancuns da vias:
- Via Tesli (access parc. 2966)
Sebasond sin art. 63 dalla lescha cantunala davart la planisaziun dil territori (LPTGR) ed art. 22 ff. dall’ordinaziun davart la planisaziun dil territori dil Grischun (OPTGR) ha ella instradau leutier la procedura da contribuziun.
A caschun da sia sesida dils 27 da schaner 2026 ha la suprastonza communala da Laax concludiu:
1. d’introducir, sebasond sin art. 63 LPTGR e art. 22 ff. OPTGR, la procedura da contribuziun per renovar la via d’avertura
- Via Tesli (access parc. 2966)
2. da fixar, tenor ils plans exponi, ils territoris obligai a contribuziuns.
3. da fixar l’interessenza publica culla suandonta procentuala:
- Via Tesli (access parc. 2966) 10%
4. da reparter l’interessenza privata sils proprietaris da schischom, conform alla surfatscha da lur parcella ella zona da baghegiar, respectiv la surfatscha maximala libra per surbaghegiar.
Il plan dalla cunfinaziun dil perimeter da contribuziuns ei exponius publicamein duront 30 dis sigl uffeci da baghegiar, e quei dils 20 da mars 2026 tochen ils 19 d’avrel 2026. Duront l’exposiziun publica san persunas obligadas a contribuziuns inoltrar protesta alla suprastonza communala da Laax, quei encunter la procedura previda dil perimeter da contribuziun sco era encunter la cumpart dall’interessenza publica e privata.
20
Mar 26
Procedura da contribuziun pert. sanaziun dalla via d’avertura Valetta
Sin fundament dil plan d’investiziuns da 5 onns, presentaus ils 10 da december 2025 alla radunonza communala, vul la suprastonza communala sanar las suandontas vias resp. tschancuns da vias:
- Via Valetta
Sebasond sin art. 63 dalla lescha cantunala davart la planisaziun dil territori (LPTGR) ed art. 22 ff. dall’ordinaziun davart la planisaziun dil territori dil Grischun (OPTGR) ha ella instradau leutier la procedura da contribuziun.
A caschun da sia sesida dils 13 da schaner 2026 ha la suprastonza communala da Laax concludiu:
1. d’introducir, sebasond sin art. 63 LPTGR e art. 22 ff. OPTGR, la procedura da contribuziun per renovar la via d’avertura
- Via Valetta
2. da fixar, tenor ils plans exponi, ils territoris obligai a contribuziuns.
3. da fixar l’interessenza publica culla suandonta procentuala:
- Via Valetta 20%
4. da reparter l’interessenza privata sils proprietaris da schischom, conform alla surfatscha da lur parcella ella zona da baghegiar, respectiv la surfatscha maximala libra per surbaghegiar.
Il plan dalla cunfinaziun dil perimeter da contribuziuns ei exponius publicamein duront 30 dis sigl uffeci da baghegiar, e quei dils 20 da mars 2026 tochen ils 19 d’avrel 2026. Duront l’exposiziun publica san persunas obligadas a contribuziuns inoltrar protesta alla suprastonza communala da Laax, quei encunter la procedura previda dil perimeter da contribuziun sco era encunter la cumpart dall’interessenza publica e privata.