Informaziuns uffeci da baghegiar
Serrada dalla Via Ravaneins/Via Siel Laax-Falera
Muort lavurs da pinar lenna restan las vias d’uaul Via Ravaneins e Via Siel (Senda Sursilvana) sco era la senda da viandar Munt Sut denter Laax e Falera serradas per mintga trapass. Quei naven dils 02.11.2026 entochen ils 13.11.2026. Ord motivs da segirtad ei impurtont da risguardar las signalisaziuns ed instrucziuns dil persunal sil plaz da lavur. Ei dat negin sviament!
Tier damondas stat il selvicultur Maurus Cavigelli (079 437 49 37) bugen a disposiziun.
Engraziel per Vossa capientscha.
Uffeci forestal Laax
23.10.2026
Serrada d’unviern plazza da cumpostar
Ord motivs da menaschi resta la deponia da verdems Pardanal serrada naven dils 14 da november 2026 entochen ca. miez avrel 2027. Duront quei temps ei negina furniziun da rauba da cumpost pusseivla. La davosa furniziun ei pusseivla sonda, ils 14 da november 2026.
Nus supplichein per enconuschientscha ed engraziein per la capientscha.
31.08.2026
Via Principala – conducts d’ovra, etappa 9+10/2026
Naven dils 07 da settember.2026 entscheiva la proxima etappa dalla sanaziun dil conduct d’ovra alla Via Streglia e cuoza prevedentamein entochen l’entschatta december 2026.
El rom da quellas etappas vegnan ils conducts d’ovra existents renovai ed engrondi.
Duront las lavurs da construcziun ei la Via Streglia serrada pil traffic motorisau sco era per velos. Igl access a pei resta da principi garantius da tut temps.
Las serradas ed ils sviaments necessaris vegnan signalisai corrispundentamein el liug.
Nus engraziein per Vossa capientscha e per Vies risguard.