Informaziuns uffeci da baghegiar

13.11.2026

Exposiziun da recuors Planisaziun locala, RP lingia da distanza digl uaul parc. 3599

En applicaziun digl art. 48 alinea 4 dalla lescha cantunala davart la planisaziun dil territori (KRG) ha liug l’exposiziun da recuors pertuccont la revisiun parziala dalla planisaziun locala dalla vischnaunca da Laax, concludida dalla suprastonza communala ils 10 da november 2026. Cheu setracta ei da midadas da plan da muntada subordinada tenor art. 48 alinea 3 dalla lescha cantunala davart la planisaziun dil territori (KRG).

Object:
Revisiun parziala lingia da distanza d’uaul parc. nr. 3599

Acts d’exposiziun:
– Plan da zonas 1:500 Distanza d’uaul, parc. nr. 3599

Basas:
– Rapport da planisaziun e cooperaziun

Termin d’ exposiziun:
dils 13-11-2026 entochen ils 14-12-2026

Liug / temps d’exposiziun:
Uffeci da baghegiar Laax, duront las uras d’avertura, tel. 081 921 51 53

Recuors da planisaziun:
Persunas las qualas han in degn da protecziun dad agen interess vid ina contestaziun ni ein legitimadas leutier tenor dretg federal ni dretg special cantunal, san inoltrar en scret enteifer 30 dis dapi il datum dalla publicaziun in recuors da planisaziun enviers la planisaziun communala. tier la Regenza.

Organisaziuns digl ambient:
Organisaziuns digl ambient exequeschan lur dretg da recuors tenor art. 104 al. 2 LPTGR, q.v.d. ellas annunzian lur participaziun alla procedura enteifer il termin da recuors agl uffeci cantunal pil svilup dil territori (ARE) ed inoltreschan silsuenter eventualmein ina posiziun

La suprastonza communala


31.08.2026

Via Principala – conducts d’ovra, etappa 9+10/2026

Naven dils 07 da settember.2026 entscheiva la proxima etappa dalla sanaziun dil conduct d’ovra alla Via Streglia e cuoza prevedentamein entochen l’entschatta december 2026.

El rom da quellas etappas vegnan ils conducts d’ovra existents renovai ed engrondi.

Duront las lavurs da construcziun ei la Via Streglia serrada pil traffic motorisau sco era per velos. Igl access a pei resta da principi garantius da tut temps.

Las serradas ed ils sviaments necessaris vegnan signalisai corrispundentamein el liug.

Nus engraziein per Vossa capientscha e per Vies risguard.