Informaziuns vischnaunca
Fiasta naziunala al Lag Grond
25.07.2025
Scamond general da fiugs artificials sil terren dalla vischnaunca Laax
En vesta dalla fiasta digl 1. d’uost fagein nus attents la populaziun indigena sco era ils hosps da risguardar la lescha davart igl uorden e ruaus public dalla vischnaunca Laax. Sigl entir territori communal eisi scumandau d’arder fiugs artificials e nus supplichein da respectar questa regulaziun en favur dalla natira sco era per il ruaus dils conhabitonts ed animals.
Art. 18 Fiugs artificials e fueinas
1 Sigl entir territori communal da Laax eis ei buca lubiu d‘envidar fiugs artificials, cun excepziun da fiugs artificials pigns sin meisa, candeilas magicas, fiugs bengals e vulcans, sco era ils murtèrs a caschun da firai ecclesiastics.
Engraziel fetg per l’enconuschientscha.
Laax, ils 25 da fenadur 2025 Suprastonza communala Laax
04.07.2025
Exposiziun publica da recuors planisaziun parziala locala (Sentupada)
Sut diever dad art. 48 alinea 4 dalla Lescha davart la planisaziun dil territori per il cantun Grischun (LPTGR) ha liug l’exposiziun publica da recuors pertuccond la revisiun parziala dalla planisaziun locala dalla vischnaunca da Laax, ch’ei vegnida decidida a caschun dalla sesida da suprastonza, dils 24 da zercladur 2025. En quest connex setracta ei d’ina midada dil plan d’impurtonza subordinada tenor gl’art. 48 alinea 3 LPTGR.
Object:
Revisiun parziala planisaziun communala Sentupada
Acts d’exposiziun:
Plan da zonas 1:500, revisiun parziala Sentupada
Rapport da planisaziun e cooperaziun, revisiun parziala Sentupada parcella 1025
Termin d’exposiziun:
30 dis (ils 4 da fenadur entochen ils 4 d’uost 2025)
Liug d’exposiziun:
Uffeci da baghegiar Laax, duront ils temps d’avertura, Tel. 081 921 51 53
Recuors da planisaziun:
Persunas las qualas han in degn da protecziun dad agen interess vid ina contestaziun ni ein legitimadas leutier tenor dretg federal ni dretg special cantunal, san inoltrar en scret enteifer 30 dis dapi il datum dalla publicaziun in recuors da planisaziun enviers la planisaziun communala.
Organisaziuns per la protecziun digl ambient:
Organisaziuns per la protecziun digl ambient exequeschan lur dretg da recuors enviers la planisaziun communala suenter disposiziun dad art. 104, alinea 2 (LPTGR), quei munta els s’annunzian enteifer il temps da recuors tier igl uffeci per il svilup dil territori (ARE) ed inoltreschan silsuenter era lur posiziun.
04.07.2025
Relasch d’ ina zona da planisaziun per la revisiun parziala da la planisaziun d’ utilisaziun con-cernent indrezs per la telefonia mobila
Ils 24 da zercladur 2025 ha la suprastonza communala concludiu – sin basa da gl’ art. 21 da la Lescha cantunala davart la planisaziun dil territori (LPTGR) – ina zona da planisaziun da 2 onns per examinar il relasch da disposiziuns e da determinaziuns cun las suandontas finamiras da planisaziun.
- Examinaziun dil relasch da disposiziuns e da determinaziuns concernent indrezs per la telefonia mobila en la planisaziun communala d’utilisaziun.
La zona da planisaziun cumpeglia ils territoris da habitar, zonas mischedadas e da center, nua che indrezs mobils encurschi visualmain pon donnegiar il maletg dil liug e dalla cuntrada e pon caschunar emmissiuns idealas.
Dil plan po vegnir priu investa egl uffeci da baghegiar da Laax duront las uras d’avertura ufficialas.
En la zona da planisaziun astga buca vegnir fatg enzatgei che pudess difficultar la planisaziun nova ni cuntrariar quella. Projects da construcziun astgan buca vegnir approvai, sch’els pudessan cunterfar a las planisaziuns ed a las novas prescripziuns previdas (art. 21 al. 2 LPTGR).
La suprastonza communala seresalva da concretisar da tut temps la zona da planisaziun conform al stadi actual dalla planisaziun resp. d’adattar al stan da planisaziun actual.
La zona da planisaziun vala per il mument entochen ils 24 da zercladur 2027 (dus onns).
Encunter il relasch dalla zona da planisaziun po vegnir fatg recuors enteifer 30 dis dapi la communicaziun publica tier la regenza.
30.06.2025
Program da stad 2025
06.06.2025
Tractament e cumbat encunter neofitas
La vischnaunca da Laax fa attens che sin possess privat sederasan adina pli savens neofitas – plontas invasivas che vegnan ord auters loghens. Quellas plontas e fluras fan donn alla vegetaziun indigena, damai che quellas semultiplicheschan fetg spert sin grondas surfatschas e mettan aschia en prighel la biodiversitad.
Unlteriuras informaziuns tier neofitas invasivas:
Info Flora
Amt für Natur und Umwelt Graubünden
Neophyten Schweiz | Invasive Neophyten: Verbotene Pflanzen
Invasive Neophyten
Nus supplichein d’intercurrir Vies terren regularmein sin neofitas e da dismetter las plontinas tenor directivas. Cun Vies agid activ gideis vus da proteger nossa natira indigena.
Engraziel fetg pil sustegn.
Vischnaunca Laax
09.05.2025
Acziun da brat da caglias 2025
24.04.2025
Stop! schubergiar la barca
Plontas ed animals invasivs en nossas auas (neobiota aquatica)
Obligaziun d’annunzia e schubergiada dallas barcas
La sanadad dallas auas grischunas ein periclitadas d’animals e da plontas invasivas che s’audan buca el territori. Quels schinumnai neobiots aquatics invasivs vegnan savens derasai nunobservadamein dil carstgaun – per exempel cun barcas, material da sport d’aua ni da pesca – e d’ina aua a l’autra.
Entginas da quellas specias invasivas fan mintg’onn donns da milliuns. Ellas pon donnegiar l’infrastructura e scatschar specias d’animals e da plontas indigenas. Sche quellas specias ein s’etabligiadas ina gada ell’ aua, ein ellas strusch pli da cumbatter.
Per frenar la derasaziun da neobiots invasivs ston tuttas e tuts contribuir lur part e risguardar reglas da cumportament impurtontas en il viadi cun la barca, cun ils pèschs, cun la navigaziun e cun las activitads semegliontas!
Per la protecziun dallas auas vala dapi igl 01 d’avrel 2025 el cantun Grischun in’obligaziun d’annunziar e da schubergiar las barcas. Menadras e menaders da barcas ston annunziar la midada da lur barca immatriculada en in’autra auas e schar schubergiar avon che l’aua vegn inundada. Quella obligaziun exista er en auters cantuns.
Barcas senza caracteristicas, sport d’aua e pesca
Per pescar, per SUP’s, per sfunsar sco er per utilisar canus, barcas da gumma ni per auters utensils d’aua ein suandontas mesiras da risguardar urgentamein:
- Schubergiar ni derschentar minuziusamein ses equipament, ideal cun aua caulda. Il schubergiar cun in schubergiader a pressiun ault sto succeder sin ina plazza cun colligiaziun dalla canalisaziun d’aua tschuffa. Svidar tut las restonzas d’aua.
- Controllar cun attenziun Vies equipament sin restonzas da plontas ed animals.
- Schigentar l’equipament diltuttafatg avon che duvrar quel en in’autra aua.
- Ina Lavandaria stat buca a disposiziun al Lag Grond
Sche tuts setegnan vida quellas semplas reglas, pudein nus proteger las auas grischunas d’ina invasiun d’autras specias.
Ulteriuras informaziuns anfleis Vus tier igl uffeci per la natira ed ambient (anu.gr.ch)
11.04.2025
Lenna sort 2025
La lenna da brisch tenor art. 18 e lit. c ell’aschunta I digl uorden forestal ei semtgada. Tgi che vul retrer ina lenna sort duei s’annunziar tier la canzlia communala. La lenna ei luvrada si e sesanfla sper via d’uaul carrabla.
Il revier forestal Sagogn-Laax offerescha bugen lavurs da resgiar, fender e transportar la lenna tochen casa.
Damondas san ins far tier il selvicultur tel. 081 921 51 69.
Laax, ils 11 d’avrel 2025 ADMINISTRAZIUN COMMUNALA LAAX
06.12.2024
Novs prezis d’entrada Aua Grava
Bugen informein nus ch’il prezis d’entrada per il bogn cuvretg Aua Grava vegnan adattai naven dil december 2024.
Engraziel fetg per Vossa capientscha.
Laax, ils 06-12-2024 LA SUPRASTONZA COMMUNALA