Informaziuns vischnaunca
Program da tir / Schiessprogramm 2026
Venderdis / Freitag 10.04 18.00 – 20.00, Tir primavaun
Mardis / Dienstag 14.04 18.00 – 20.00
Venderdis / Freitag 17.04 18.00 – 20.00
Venderdis / Freitag 24.04 18.00 – 20.00
Mardis / Dienstag 28.04 18.00 – 20.00
Venderdis / Freitag 01.05 18.00 – 20.00
Venderdis / Freitag 08.05 18.00 – 20.00, 1. Obligatorisch / Bundesprogramm
Sonda / Samstag 16.05 13.00 – 19.00, Cuors per tiradurs giuvenils / Jungschützenkurs
Venderdis / Freitag 22.05 18.00 – 20.00
Venderdis / Freitag 29.05 18.00 – 20.00
Mardis / Dienstag 02.06 18.00 – 20.00
Venderdis / Freitag 12.06 18.00 – 20.00
Mardis / Dienstag 16.06 18.00 – 20.00
Mardis / Dienstag 23.06 18.00 – 20.00
Venderdis / Freitag 03.07 18.00 – 20.00
Venderdis / Freitag 07.08 18.00 – 20.00, 2. Obligatorisch / Bundesprogramm
Mardis / Dienstag 11.08 18.00 – 20.00
Venderdis / Freitag 21.08 18.00 – 20.00
Venderdis / Freitag 28.08 18.00 – 20.00
Sonda / Samstag 12.09 13.00 – 19.00, Tir final
Suprastonza communala Laax / Gemeindevorstand Laax
10.03.2026
Questiunari biblioteca Laax
Pren cuort temps al questiunari cun il qr-code e dai tia opiniun anonima alla biblioteca da Laax e salva 1 m2 uaul da plievgia e gudogna cun in tec cletg in viadi.
Engraziel fetg per la partizipaziun ed la bregias.
Biblioteca Casa de Mont Laax
27.02.2026
Revisiun constituziun communala
En connex culla revisiun dalla constituziun communala da Laax ha la populaziun survegniu la pusseivladad d’inoltrar posiziuns ad ina consultaziun publica. La suprastonza communala ha survegniu tut las posiziuns inoltradas ed engrazia per la cooperaziun activa. Las reacziuns vegnan examinadas e presentadas ad ina radunonza communala. Damai ch’ei setracta dad ina fatschenta da gronda impurtonza e che drova temps da presentar ha la suprastonza communala decidiu da tractar quella tractanda a caschun dad ina radunonza communala extraordinaria, ils 12 da zercladur 2026.
Grazia fetg per Vossa enconuschientscha.
27.02.2026
Declaronza da taglia 2025
L’administraziun cantunala da taglia ha tarmess in scriver partenent inoltrar la declaronza da taglia 2025. Tgi che ha obteniu negin avis, ni ha formulars che mauncan, sa retrer tals tier igl uffeci communal da taglia.
Tgi che giavischa ils formulars en pupi sa empustar quels per telefon ni per e-mail tier la vischnaunca. Ils auters san far diever dil program “SoftaxGR2025” ni surdar il scriver obteniu cun la numera da register al biro fiduziari ni alla persuna che tschenta ora la declaronza da taglia. Il program “SofTaxGR2025” saveis cargar giu dalla pagina d’internet www.stv.gr.ch ed installar sin vies computer.
Termins per inoltrar las declaronzas da taglia:
Ils 31 da mars 2026 per persunas cun activitad da gudogn dependenta, students, pensiunai, disoccupai e cuminonzas d’artavels.
Ils 30 da settember 2026 per persunas cun activitad da gudogn independenta e persunas domiciliadas ordeifer il cantun Grischun cun immobilias el cantun Grischun.
La declaronza da taglia ei d’inoltrar alla suandonta adressa:
Steuerverwaltung des Kantons Graubünden
Verarbeitungszentrum 1/KO
Steinbruchstrasse 18
7001 Chur
Prolungaziun dil termin:
Damondas per ina prolungaziun dil termin per inoltrar la declaronza da taglia ein da far avon ch’il termin d’inoltraziun croda e quei suandontamein;
-online: www.stv.gr.ch
-per e-mail: fristgesuche@stv.gr.ch
Las damondas vegnan rispundidas mo sche quellas san buca vegnir risguardadas.
Informaziuns:
Davart eventualas damondas s’annunziei tier igl uffeci da taglia Laax; 081 921 51 13 ni steueramt@laax-gr.ch.
Informaziuns e formulars anfleis vus sut www.stv.gr.ch.
27.01.2026
Check-in romontsch
Sco persuna novarrivada sedamondas ti probablamein: Co sai jeu emprender romontsch? Datti dicziunaris online? Nua anflel jeu litteratura romontscha per mei e cudischs auditivs per mes affonts? Sche quei ei il cass, lu eis ti cheu el dretg liug. Nies «Check-in rumantsch» dat risposta a questas ed a biaras autras damondas e gida aschia da s’integrar en vischnaunca.