ROMONTSCH Sprache umschalten DEUTSCH
Tgei encuris Vus?

Uniuns

Las uniuns da Laax selegran da mintgina e da mintgin che separticipescha e che gida da tgirar il spért da cuminonza en nossa vischnaunca. Ei dat strusch ina megliera caschun per vegnir en contact cun vischinas e vischins da Laax ch’ins enconuscha schiglioc forsa mo dil veser.


Chor mischedau

Chor mischedau


Il schaner 1986 han dunnas ed umens da Laax priu l‘iniziativa da fundar in chor mischedau. Suenter ina fasa d‘emprova ei il Chor mischedau da Laax lu vegnius fundaus per propi ils 23 da settember 1987.

Alla pagina
Dapli ...

Chor viril

Chor viril


Nus essan 31 umens che havein plascher da cantar e da presentar nossas canzuns avon in grond publicum. Nies repertori ei plein da canzuns popularas, profanas e religiusas per romontsch ed ulteriurs lungatgs. Novs commembers che han plascher dil cant e dalla cumpignia ein adina beinvegni. Neu era ti!

Alla pagina
Dapli ...

Club da ballareit

Club da ballareit


Nus essan in'equipa da dunnas che s’entaupa mintgamai il gliendisdis sera allas 19.00 en casa da scola per dar ballareit. Sper ils trenaments separticipein nus ad in campiunadi regiunal. Novas giugaduras ein adina beinvegnidas.

Mail
Dapli ...

Club da ballapei

Club da ballapei


Silla plazza sportiva Lag Sec muenta il ballapei adina puspei ils cors da giuven e vegl. Cun porscher a nossa giuventetgna ina captivonta occupaziun sportiva dil temps liber, mo era ina scolaziun per la veta, surpren il Club da ballapei Laax (CBL) – ensemen culs geniturs – ina impurtonta funcziun sociala.

Alla pagina
Dapli ...

Club da skis Crap Sogn Gion

Club da skis Crap Sogn Gion


L‘uniun promova il sport da skis e da snowboard sco sport popular e disciplina da concurrenza. Quei en special era per affons e giuvenils.

Mail
Alla pagina
Dapli ...

Club da tennis Larnags

Club da tennis Larnags


Il club da tennis Larnags tgira e promova il sport da tennis ed ulteriuras occurrenzas. Sut l’ustria Larnags stattan a disposiziun dus plazs da sablun.

Alla pagina
Dapli ...

Uniun da catschadurs Vorab

Uniun da catschadurs Vorab


Promoziun e tgira dalla collegialitad denter catschadurs dils vitgs da Laax, Falera, Sagogn e Schluein. La secziun ei vegnida fundada igl avrel 1945 el Waldheim a Laax. Presents eran 12 catschadurs da Laax, 8 da Falera, 11 da Sagogn e 6 da Schluein.

Mail
Dapli ...

Uniun da commerci e mistregn Arena dallas Alps

Uniun da commerci e mistregn Arena dallas Alps


Dapi 1990 s’engascha l’Uniun da commerci e mistregn pils interess da ses commembers ch’ein da casa ellas vischnauncas da Laax, Flem, Falera, Sagogn, Schluein e Trin.

Alla pagina
Dapli ...

Uniun da dunnas

Uniun da dunnas


L’Uniun da dunnas elaborescha e realisescha pensums che surveschan al beinstar religius, public e communal. Nossa finamira eis ei da promover, persula ni ensemen cun autras organisaziuns, il beinstar dalla cuminonza. Entras cuors, referats e viadis che nus organisein, offerin nus allas dunnas da Laax in vast spectrum culs pli differents temas.

Alla pagina
Dapli ...

Uniun da giuventetgna

Uniun da giuventetgna


Igl intent principal dall’Uniun da giuventetgna ei:
  1. promover I'unitad e la cumpignia denter la giuventetgna da Laax
  2. promover la cultura ed ils usits dil vitg sco era da baselgia e pleiv
  3. organisar occurrenzas per activar la veta el vitg

Alla pagina da Facebook
Alla pagina dad Instagram
Dapli ...

Uniun da tir Laax-Falera

Uniun da tir Laax-Falera


Igl onn 2000 han las duas uniuns da tir Laax e Falera fusiunau. Sittau vegn sil stan da sittar communabel a Giratsch. Onn per onn vegnan organisai cuors da tir per giuvenils. Ensemen cun in trenader scolau vegnan era offeri cuors da perfecziunament e cuors per il trenament mental. Interessai ein adina beinvegni en noss’uniun.

Mail
Dapli ...

Uniun samararitana USL

Uniun samararitana USL


La USL intermediescha alla populaziun digl intschess dalla vischnaunca da Laax la scolaziun d‘emprem agid. Quella ei organisada tenor in program annual e tenor las directivas dall Uniun svizra dils samaritans. Ils commembers activs dalla USL porschan emprem agid a persunas disgraziadas e malsaunas sco era ulteriuras incumbensas humanitaras el senn dalla Crusch cotschna. La USL collaborescha culs pumpiers, las autoritads ed ils purtaders privats dalla sanitad publica.

Alla pagina
Dapli ...

Uniun fiasta d’affons

Uniun fiasta d’affons


La fiasta d’affons ei vegnida organisada l’emprema gada igl onn 2000. Ella s’auda ferm tier il program da stad ella regiun da Flem-Laax-Falera. Daferton ei quella fiasta cun 3000 affons che separticipeschan enconuschenta lunsch entuorn. L’uniun fiasta d‘affons secumpona d’in comite d’organisaziun e d’entgins voluntaris ord la regiun. Ella planisescha ed organisescha quell’occurrenza el temps liber. La paga ein las fatschas tarlischontas dils affons duront la fiasta.

Alla pagina
Dapli ...