ROMONTSCH Sprache umschalten DEUTSCH
Tgei encuris Vus?

Cartas dil di VF/SBB vischnaunca da Laax

La vischnaunca da Laax posseda dus abonnaments generals nunpersunals dalla viafier federala VF/SBB per la secunda classa. La carta dil di leutier pussibilitescha da viagiar libramein sin tuttas lingias da VF, Viafier Retica ed AutoDaPosta sco era las biaras viasfier privatas concessiunadas ed era las societads da navigaziun en Svizra.

Prezi: CHF 42.- Quella summa ei da pagar direct cun retrer la(s) carta(s) dil di.

Contact

Via Principala 60c
7031 Laax
Telefon +41 81 921 51 51
Mail

Uras d’avertura

Gliendisdis tochen venderdis 09.30 – 11.30 e 15.00 – 17.00

Per che nus sappien porscher las cartas dil di per quei prezi attractiv, supplichein nus da risguardar las suandontas disposiziuns:

Reservaziuns

Reservaziuns prendein nus encunter il pli baul 90 dis avon il termin da viadi. Vus saveis reservar telefonicamein +41 81 921 51 51, cun in mail ni era direct al spurtegl.

Retrer

La(s) carta(s) dil di ston ins retrer enteifer in’jamna suenter la reservaziun al spurtegl dalla canzlia duront las uras d’avertura ufficialas. Ella(s) ein da pagar direct, ei dat negina spediziun culla posta.

Impediment

Igl ei buca pusseivel da brattar cartas dil di cumpradas ni da pretender ina restituziun dil prezi da vendita. Per cartas dil di reservadas e buca retratgas eis ei da pagar igl entir prezi.