ROMONTSCH Sprache umschalten DEUTSCH
Tgei encuris Vus?

Baselgia

Pleivs roman-catolicas Laax e Falera

Sco duas pleivs catolicas independentas Laax e Falera secapin nus sco part dalla baselgia mundiala. Ella collaboraziun, la quala ei gia dada tras la pastoraziun cul medem plevon, sespruein nus da formar ina cuminonza cristiana aviarta ed activa ch’ei interessada da survir pil bien digl entir pievel da Diu. Sco cartents vivin nus dils e tras ils principis cristians.
tier la pagina d'internet dalla pleiv roman-catolica da Laax

Pleiv evangelic-reformada Sagogn-Laax-Falera

La veglia baselgia da Nossadunna a Sagogn fuva inagada il center d’ina vasta pleiv che cumpigliava el temps medieval sper il vitg da Sagogn era Laax, Schluein, Castrisch, Sevgein, Riein e Pitasch. Ella fuva in possess digl uestg da Cuera e per la pastoraziun fuva la claustra da s. Gliezi digl uorden dils Premonstratens responsabla. Suenter varga melli onns, naven da miez digl 15avel tschentaners, han las midadas relevantas entschiet. Las caplanias da Laax e Sevgein ein sedistaccadadas, aunc avon Riein, Pitasch e Castrisch. Suenter ils 1524 s’udeva mo aunc Schluein tier la pleiv gronda. Encunter la fin dil 16avel tschentaner fuva ina pulita minoritad ida vi tier la confessiun nova. Da quei temps regeva ina pasch confessiunala che semussava cun ina tenuta plitost liberala e toleranta denter las confessiuns, biars savevan aunc buca sedecider da restar tier la veglia ni da midar tier la nova. Famiglias prominentas dils giunchers e baruns sco ils de Jochberg, de Montalta, de Casutt mavan tendenzialmein plitost tiels evangelic-reformai, senza denton ughegiar il pass ufficial e decisiv. Tras midadas d’ina vart tier tschella han famiglias era midau domicil enteifer la regiun.

En connex cul moviment dalla cunterreformaziun ha igl uestg da Cuera tarmess entuorn 1630 caputschins talians dalla claustra da Brescia el Grischun per organisar la schinumnada «Missiun retica». Finamira fuvi da far uorden e gudignar anavos ils cartents malsegirs. La toleranza ha dominau vinavon il mintgadi era cu il spiritual Augustin Wendenzen da Vella ha surpriu la pastoraziun dalla pleiv catolica Sagogn-Schluein. Ils reformai astgavan duvrar in altar lateral dalla baselgia parochiala per lur cults divins, ils affons vegnevan battegiai leu ed era ils morts satrai sil santeri entuorn baselgia. Igl onn 1701 ha ei denton dau in nausch conflict confessiunal denter catolics e reformai. Pauc ha muncau ch’ei havess dau ina uiara sanguinusa, tractativas diplomaticas havevan fatg effect. Quei eveniment historic ei enconuschents el Grischun culla noziun «ils embrugls da Sagogn».

Pér 1743 han ils parochians reformai da Sagogn la finala astgau baghegiar sil funs Cresta lur atgna baselgia. In Gion Cavelti, da confessiun catolica, haveva vendiu alla pleiv, fundada 1710, il prau sigl areal Cresta. 1847 han ins baghegiau dasperas la casa pervenda, il domicil dalla scola reformada e dil plevon.

Tier la pleiv evangelic-reformada da Sagogn s’udevan el 18. e 19avel tschentaner era entginas famiglias da Falera (Cabrin e Seeli), quellas purtavan lur morts sin santeri a Sagogn. Suenter che la Viafier retica haveva construiu 1903 la punt sul Rein han ins uniu la pastoraziun cun Valendau ed il plevon ha giu domicil a Valendau. Dapi ca. 1990 ha Sagogn puspei in agen plevon ed ei center dalla nova pleiv reorganisada che includa era ils reformai da Laax e da Falera.
tiel plan dils survetschs divins dalla Pleiv evangelic-reformada Sagogn-Laax-Falera
Daniel Hanselmann
Plevon
Via Cresta 10
7152 Sagogn
Mail
Telefon +41 81 921 68 55
Mobile +41 79 265 22 08
Annalisa Candrian-Bertog
Presidenta
Via Casut 3
7152 Sagogn
Mail
Telefon +41 81 921 62 08
Heinz Welter
Vicepresident
Via Lieptgas 4
7031 Laax
Telefon +41 81 921 50 59
Alice Cavelti-Depuo
Cassiera
Via Teit sut 1
7152 Sagogn
Telefon +41 81 921 69 20
Amanda Beeli-Coray
Actuara
Via Suloms 1
7152 Sagogn
Telefon +41 81 921 25 05
Claudia Palaia-Ragettli
Archivara, responsabla instrucziun da religiun
Via Streglia 17
7031 Laax
Telefon +41 81 921 51 50
Gabriela Goll
Catecheta
Via Sut Curtgin 18
7141 Luven
Telefon +41 81 925 16 06
Giusep Tschuor
Organist
Via da Laax 12
7152 Sagogn
Telefon +41 81 921 66 40
Ralf Beer
Organist
Via Vitg sut 13
7151 Schluein
Mobile +41 79 481 45 86
Heidi Casutt-Cathomen
Organista
Via Chintguns 4
7153 Falera
Telefon +41 81 921 23 20
Beatrice Jakob
Calustra
Via Canginas 3
7152 Sagogn
Mobile +41 79 903 73 75