ROMONTSCH Sprache umschalten DEUTSCH
Tgei encuris Vus?

Administraziun communala

Taxas da hosps e turissem (taxas da cura)

Contact

Via Principala 60c
7031 Laax
Telefon +41 81 921 55 56
Mail

Uras d'avertura

Gliendisdis tochen venderdis 09.30 – 11.30 e 15.00 – 17.00

Vossas persunas da contact


Silvia Riedi
Menadra taxas da hosps e turissem
Mail
Telefon +41 81 921 55 56



Il biro per las taxas da hosps ei denter auter responsabels per:
  • incasso taxas da hosps e turissem (hotels, alloschis da gruppas, habitaziuns da vacanzas e mistregn e commerci)
  • dar sclariments a hosps
  • far statisticas (hotels/alloschis da gruppas)

Interessants fatgs dallas taxas da hosps e turissem (taxas da cura):

  • Per promover il turissem incassescha la vischnaunca da Laax ina taxa da hosps e da turissem.
  • La lescha davart las taxas da hosps e turissem ha la radunonza communala da Laax approbau ils 11 d’avrel 2014 e la regenza grischuna ha approbau ella ils 4 da november 2014.
  • Ina taxa da hosps paga mintga hosp che pernottescha a Laax e che ha la pusseivladad da trer a néz la purschida turistica. Hosp en quei senn ei mintga persuna che ha siu domicil da taglia en in’autra vischnaunca. Persunas che pernotteschan senza pagament ella medema habitaziun sco ils indigens pagan negina taxa da hosps. Els han survegnan perquei era buca ina carta da hosps e profiteschan era buca dallas reducziuns.
  • La declaronza dil diever dalla habitaziun/casa da vacanzas sto vegnir annunziada alla vischnaunca da Laax immediat suenter la midada da maun.
  • Las entradas dalla taxa da hosps ein da duvrar per finanziar ils implonts e las occurrenzas turisticas organisai pil hosp e che surtut lez sa duvrar. Quellas entradas tonschan deplorablamein buca aschia che la vischnaunca finanziescha il rest ord sia cassa ordinaria. Per passentar il temps liber recreont ed activ han ils hosps a disposiziun a Laax ina vasta infrastructura. Ina reit da sendas da viandar da varga 200 chilometers, bauns da pausar, loipas da cuorsa liunga, plazzas da giugs, il biro d'informaziun per hosps, il bus local Arena Shuttle e bia auter sa il hosps duvrar gratuitamein. Igl ei egl interess dils hosps che quels implonts vegnan manteni, tgirai e teni schubers.
  • Las entradas ord las taxas turisticas ein da duvrar per expensas che surveschan per gronda part als interess dall’economia turistica. Ellas dueien cunzun pussibilitar d’elaborar da maniera effectiva la fiera sco era promover occurrenzas sportivas e culturalas cun bien effect da reclama.
  • La vischnaunca ed ina tiarza persuna ch’ein incaricai d’exequir la lescha han il dretg da far las controllas necessarias pigl incasso dallas taxas da hosps e turissem, respectiv da disponer e schar organisar talas.
  • L’administraziun communala, partiziun taxas da hosps, dat bugen sclariments davart ils detagls dil rendaquen dallas taxas.

Formulars & leschas