Testaments, contracts da lètg e d'ierta

La controlla da habitonts ei niev liug da depot per testaments, contracts da lètg e d'ierta

Tenor la nova procedura penala e civila svizra obligeschan ils cantuns d'indicar igl uffeci per mantener la davosa voluntad (q.v.d. testaments e contracts d'ierta). Dapi igl 1. da schaner 2011 surdat la lescha cantunala quella incumbensa allas vischnauncas.

Igl uffeci circuital da Glion ha surdau ils documents ch'eran tochen da cheu en lur possess alla controlla da habitonts da Laax. Persunas domiciliadas en vischnaunca san naven dad immediat deponer testaments, contracts da lètg e d'ierta tier la controlla da habitonts.

Per ulteriuras informaziuns arisguard il devolver dalla surdada/registraziun, scumiada e taxas da depot sco era en cass da partenza da Laax stat la controlla da habitonts a disposiziun (tel. 081 921 51 51).