Uffeci da taglia

Taglia sin entrada e facultad
Il pei da taglia dalla vischnaunca da Laax munta a 68% dalla taglia cantunala sempla.
Naven digl onn da taglia 2012 munta il pei da taglia a 58 % dalla taglia cantunala sempla.

Taglia sin schischom
La taglia sin schischom importa 1‰ dalla valeta fiscala alla fin digl onn calendari.

Taglia da baselgia
La taglia da baselgia catolica importa 10%, l’evangelica 15%. Ella vegn calculada sin fundament digl import dalla taglia cantunala.

Taglia sin midada da maun
La taglia sin midada da maun munta a 2% dil prezi da vendita.

Taglia sin gudogn da vendita da schischom
La taglia sin gudogn da vendita da schischom vegn incassada dalla vischnaunca sco era dil cantun. Ella importa 100% dalla taglia cantunala. Taxaziun ed incasso succedan entras il cantun.

Taglia sin la part d’ierta
En la vischnaunca da Laax valan las tariffas suandontas:

Liberai dalla taglia sin la part d’ierta ein:
Il conjugal survivent; las partenarias registradas ed ils partenaris registrai; ils descendents, ils affons figliasters ed ils affons confidads sco era lur descendents; las persunas ch'ein liberadas dalla taglia sind midada da maun tenor il dretg cantunal; ils partenaris da concubinat; ils geniturs.

La taglia importa

3% per il tschep dils geniturs;

6% per il tschep da tat e tatta;

15 % per las ulteriuras persunas benefiziadas.

Taglia sin donaziun
Cheu valan las medemas disposiziuns sco tier la taglia sin ierta.

Taglia alla fontauna
Luvrers digl exteriur senza permissiun da domicil dalla polizia d’jasters, che han el cantun domicil ni dimora da dretg fiscal e che sededicheschan ad ina activitad da gudogn dependenta, ein suttamess alla taglia alla fontauna.

Ils patruns ein obligai da remetter il rendaquen agl uffeci da taglia dalla vischnaunca.

Termins da rendaquen:
Per menaschis da stagiun pils 15 da matg per la stagiun d’unviern
Pils 15 da november per la stagiun da stad

Pils ulteriurs menaschis pils 31 da fenadur per l’emprema mesadad digl onn
Pils 31 da schaner per la secunda mesadad digl onn

Termins da remessa
Las taglias retenidas ni incassadas ein da consignar dil debitur dalla prestaziun suttamessa alla taglia si pli tard 15 dis suenter il rendaquen agl uffeci da taglia dalla vischnaunca.

Ils formulars necessaris per la taglia alla fontauna (fegls da rendaquen, fegls d’informaziun, tariffas) saveis Vus pustar tier nus steueramt@laax-gr.ch ni www.stv.gr.ch

Sut www.stv.gr.ch (taglia alla fontauna / SofTax Quest) stat ina versiun da EED a disposiziun per quintar giu la taglia alla fontauna.

Taglia da tgauns
La taglia per igl emprem tgaun munta a frs. 50.--. Per mintga ulteriur tgaun el medem tenercasa importa la taglia frs. 150.--.

Tenor la lescha da tgauns dalla vischnaunca da Laax ein ils possessurs obligai d’annunziar lur tgauns.