Il plan dil vitg indichescha cun sias cerfras 1 - 12 las remarcabladads che sesanflan el center dil vitg da Laax. La tura entscheiva si Furnatsch sper il vegl fuorn puspei mess en funcziun (1) e cala giudem il vitg cun la casa Toggenburg (9). Las treis capluttas, 10, 11 e 12, s. Giacun, s. Bistgaun e s. Clau sesanflan dado il vitg sper veglias vias da passadi, oz per liung stupentas sendas d'uaul. Il vitg da Laax, tschinclaus da gronds uauls e numerus lags, gauda in ordvart migeivel e bien clima.

	Casa Gliott baghetg en preit cun clavau annex e dasperas fuorn el liber, nua che nossas masseras fan puspei regularmein paun-casa.
	Casa dil caluster baghegiada en lenn e da gronda regularitad, ei surtratga rehamein cun sculpturas en lenn da tempra tard empira. Da remarcar ein ils tgaus drag vid ils dubels tetgals. Nos antecendents paganils imaginavan nauschs spérts, lur nauschas influenzas cun metter semegliadetgnas.