Il museum ed arcun da tradiziun a Laax cumpeglia la cascharia d'antruras cun 6 stanzas, in corridor da colligiaziun cun il clavau pervenda che datescha digl onn 1696. Igl intern dalla casa ei vegnius reconstruius igl onn 1979 entras la Fundaziun Pro Laax. Ils 6 da fenadur 1980 ha l'inauguraziun dil museum giu liug entras il Cerchel cultural. Ils passa 2200 objects museals ein vegni rimnai dils organs culturals cun gronda carezia ed attenziun. Quels objects mets dueigien vegnir animai a veta nova entras ils visitaders.
Cuschina, stiva e combra da durmir resplendan fideivlamein la veta d'ina famiglia da purs d'avon 150 onns tochen lunsch viaden el 20avel tschentaner.
El tschaler e surcombras ein objects ed uaffens exponi. Quels derivan da mistergners indigens

 
 

Il passadi expona las lavurs dil fravi indigen. El nuegl san ins guder la ordvart interessanta revista da dias davart il vitg da Laax sco era il sectur da sport e la cultivaziun e luvraziun dil coniv tochen alla teila da glin.
Il clavau ei vegnius translocaus igl onn 1984 naven dalla casa pervenda el liug dad oz.
El datescha digl onn 1696 e secumpona d'in iral, dus lentischials e dus ladretschs. Quei clavau dat suttetg a carrs, carpians ed iseglia da pli gronda dimensiun.

Senn e finamira dils iniziants ei da cultivar la tradiziun, da conservar ils objects e surschar quels allas generaziuns proximas.

 

Temps d'avertura
stad unviern
margis e gievgia gievgia
15.00 - 18.00 h 15.00 - 17.00 h

Prezi d'entrada
3.- frs.; affons -12 gratuit

ni tenor cunvegnientscha
biro turistic     tel. 081/ 920 81 81