Schriftgrösse: A A A

Encurir | Sitemap

Nua dismetter rumians e rufid?

Datum / Liug
26.10.2004, Laax

Descripziun

Fegl d informaziun per la dismessa da rumians

Principi fundamental:
1. evitar
2. sminuir
3. zavrar
4. sortir
5. reutilisar
6. dismetter

Rumians da casa e dall industria
Ils rumians da casa ein da deponer els sacs specials verds “regiun surselva” els containers, ch ein lubi. Quels san vegnir retratgs tier suandonts posts da vendita: Volg, Laax / Volg Lagrischa, Murschetg / Denner Satellit, Laax / Canzlia communala / biro Flims Laax Falera Tourismus AG/ biro Fa. Sunside, Murschetg / Biro Fa. Val Signina, Murschetg / Kiosk, Murschetg.

La rimnada dils curdems ord menaschis d industria sa succeder en fuorma libra els containers lubi, che portan ina blumba.

Veider vegl
quel sauda buca el container da rumians. Ellas differentas squadras stattan a disposiziun divers containers per veider vegl.

Ieli vegl
sa vegnir dimess en in container special per ieli vegl, ch ei postaus sper il luvratori Pardanal.

Pupi vegl e cartuns
vegnan rimnai mintgamai la primavera ed atun entras las scolas da Laax (publicaziun succeda egl fegl ufficial Surselva). Plinavon sesanfla el luvratori Pardanal in container per pupi vegl ed in per cartun.

Fier e metal vegl
sa vegnir deponius en in begl, deponius sper il luvratori Pardanal.

Batterias dil tener casa (neginas batterias d autos)
Per la dismessa da quella rauba cun argen viv prigulus, sesanfla in container special sper nies luvratori. Plinavon prendan era las fatschentas d electro encunter las batterias veglias.

Scatlas da conservas
Quellas dueigien era vegnir deponidas en in container special enta Pardanal.

Medicaments e mieds da soluziun
Dueigien vegnir surdai allas apotecas e drogarias.

Rors e pérs da fluorescens
san vegnir returnai allas fatschentas da vendita.

Frestgeras
Furniziun directa alla staziun da viafier Glion ni deponia regiunala Plaun Grond, Rueun / Glion.

Maschinas da lavar, plattas da fiug, maschinas da lavar giu vischalla etc.
Furniziun directa alla staziun da viafier Glion ni deponia regiunala Plaun Grond, Rueun / Glion.

Apparats electrics (electronica da divertiment, apparats da biro, informaziun e communicaziun)
Furniziun directa silla staziun da viafier Glion ni deponia regiunala Plaun Grond, Rueun / Glion.

Textilias
el container per textilias sper il luvratori Pardanal.

Butteglias da pet
– el deposit central sper las fatschentas Volg e Lagrischa sco era el luvratori Pardanal.

Pneus e batterias d autos
– ein da dismetter tier las fatschentas e garaschas d autos.

Curdems da mezca e cadavers pigns
– quels ein da transportar alla serenera Foppa a Schluein.

Curdems da curtgin
Ils curdems organics da curtgin ed orts duessan vegnir cumpostai egl agen iert. Ils cumpostaders communals ein bugen prompts da cussegliar en caussa.
Tgi che ha el mument negina pusseivladad da cumpostar sa dismetter quels curdems sil plaz da cumpostar entadem la via Pardanal.

Il dretg da cumpostar han: casadas privatas incl. casas da vacanzas, hotels, pensiuns, restaurants, orticulturas, hortulans da cuntradas etc., aschilunsch ch il material da cumpostar deriva dalla vischnaunca da Laax

Rauba da dimensiun pli gronda
El luvratori Pardanal sesanfla in container per rauba blocconta.

La rauba blocconta creada da fatschentas e da lavurs da renovaziun da casas ein da dismetter directamein dals caschunaders.

Curdems da baghetg
Quels curdems ein da zavrar sil plaz da baghetg en gruppas:
– scavament schuber
– curdems e rufid da baghetg
– rauba da dimensiun e rufid bloccont e curdems specials.
Ei quei buca pusseivel sil plaz da baghegiar sto la zavrada da material succeder posteriurmein.

Uras d avertura dalla deponia Pardanal, incl. deponia da cumpostar

mesjamna 13.00 – 17.00 Uhr
vendergis 14.00 – 18.00 Uhr
sonda 10.00 – 12.00 Uhr

Numeras da telefon

Uffeci da baghetg 081 921 51 53
Luvratori Pardanal 081 921 58 58
Deponia regiunala Plaun Grond, Rueun/Glion 081 925 28 55
Serenera Foppa, Schluein 081 925 14 44
Staziun da viafier, Glion 081 925 14 60

 

 

Uras
d'avertura canzlia

Gliendisgis - Vendergis
09.30 tochen 11.30
15.00 tochen 17.00

Telefon:
081 921 51 51

E-Mail:
admin@laax-gr.ch


Adressa:
Center Communal
caum postal 16
7031 Laax

Plan da la situaziun
Plan dal vitg