Schriftgrösse: A A A

Encurir | Sitemap

Actualitads dalla suprastonza communala

La suprastonza communala ha denter auter tractau suandonts temas e decidiu il sequent:

Midadas da persunal tier l'allianza da taglia
Damai ch'il menader dall'allianza da taglia, Gieri Arpagaus, vegn pensiunaus ils 28 da fevrer 2017 savein nus orientar sur dalla nova repartiziun digl uffeci sco suonda:
- René Buchli, en uffeci dapi igl 1. da mars 2011, surpren la direcziun
- Daniel Erni, en uffeci dapi igl 1. da fevrer 2015, resta en sia funcziun
- Marlis Decurtins, ei entrada igl 1. da fevrer 2017 da niev en uffeci sco emploiada
  d'administraziun en fatgs da taglia.
Alla nova collaboratura giavischein nus bia ventira e satisfacziun en siu niev uffeci. A Gieri Arpagaus tut il bien per sia pensiun.


Gruppa stradala
La suprastonza ha elegiu Paul Toggenburg sco niev capoluvrer naven digl 1. da zercladur 2017. Nus giavischein ad el bia legria e satisfacziun en quei post. El remplazza Gion Battesta Camathias, al qual nus giavischein ina biala pensiun naven dils 30 da zercladur 2017. La plazza per in niev collaboratur dalla gruppa stradala e substitut dil capoluver vegn publicada proximamein.


Plans da quartier
Pervia dil niev cataster davart las restricziuns dalla proprietad dil dretg public ei il cirquit dil register funsil Glion-Lumnezia vegnius incaricaus d'abrogar ils plans da quartier Darschalè, Salums, Davos Baselgia, Pardanal, Cons-Casti ed Uletsch. Ultra da quei duei il plan da quartier Val vegnir amplificaus.


Sanaziun biros Center Communal
Las lavurs da renovar il plaunterren cuozan naven da miez avrel entochen miez uost 2017. Nus supplichein gia ordavon per vossa capientscha en caussa disturbis e malemperneivladads.



Laax, ils 10-02-2017                     La suprastonza communala


 

Uras
d'avertura canzlia

Gliendisgis - Vendergis
09.30 tochen 11.30
15.00 tochen 17.00

Telefon:
081 921 51 51

E-Mail:
admin@laax-gr.ch


Adressa:
Center Communal
caum postal 16
7031 Laax

Plan da la situaziun
Plan dal vitg